Upplýsingar um Danmörk
Íbúar: 5.447.084 (2007)
Höfuðborg: Kaupmannahöfn 595.933 (2007)
Sjálfsstjórnarsvæði: Grænland og Færeyjar
Danska er dásamleg!
Opinbert tungumál Danmerkur er danska. Danska er austur-norrænt tungumál, og líkist norsku og sænsku.
Þrátt fyrir það getur verið erfitt fyrir aðra
Norðurlandabúa að skilja dönsku. Danirnir sjálfir skilja oft norsku og finnlandssænsku betur en ríkissænsku.
Frá H.C. Andersen til Roskilde-hátíðarinnar
Danir hafa langa hefð í tónlist og leikhúsi. Á sumrin eru skipulagðar
margar tónlistarhátíðir, og af þeim er Roskilde-hátíðin sú þekktasta.
Konunglegi danski ballettinn auk Óperunnar og sinfóníuhljómsveitarinnar
í Árósum eru orðin fræg á alþjóða vettvangi.
Á síðustu áratugum hafa danskar kvikmyndir og leikstjórar eins og Bille
August og Lars von Trier náð
góðum árangri bæði í heimalandinu og úti í heimi. Eins og hin
Norðurlöndin er Danmörk þekkt fyrir arkítektúr og hönnun.
Eitt elsta ríki Evrópu
Undir lok elleftu aldar varð Danmörk
konungsríki. Síðan þá hefur landið verið sjálfstætt og er þess vegna
eitt af elstu ríkjum Evrópu. Þingið kallast þjóðþingið (folketinget) og
á því sitja 179 fulltrúar sem kosnir eru fjórða hvert ár. Tveir af
fulltrúunum koma frá Færeyjum og tveir frá Grænlandi.
Danmörk er meðlimur í Norðurlandaráði og einnig Sameinuðu þjóðunum,
NATO og Evrópusambandinu.
Text: NIFIN, Nordjobb