Tómstundirnar
Húsnæði
Nordjobbarar fá yfirleitt húsnæði á stúdentagörðum eða í íbúðum í
framleigu. Meðalmánaðarleiga fyrir námsmannahúsnæði er yfirleitt
kringum 2.000 DKK. Íbúðir kosta um það bil 6.000 DKK á mánuði
en þá er þeim deilt með öðrum þátttakanada. Ef þú getur sjálf/ur
útvegað þér húsnæði – hafðu þá samband við Nordjobb í Danmörku.
Samgöngur
Danmörk er flöt eins og pönnkukaka – því er
fljótlegasti fararmátinn reiðhjól. Taktu með þitt eigið hjól, leigðu
eða kauptu það notað í Danmörku. Þannig spararðu peninga fyrir
samgöngum. Þú getur einnig nýtt þér verkefnið, sem rekið er í
Kaupmannahöfn og kallast „bycyklen” eða bæjarhjólið. Ef þú getur ekki
eða vilt ekki hjól, geturðu notað strætó eða innanbæjarlestir.
Þú þarft ekki að vera einmana í Nordjobb
Nordjobb skipuleggur
tómstundadagskrá á öllum stærri Nordjobbstöðum, um það bil einu sinni
til tvisvar í viku. Hafðu í huga að engin tómstundadagskrá er í boði á
minni stöðum þar sem fáir Nordjobbarar búa. Tómstundafulltrúi
skipuleggur og sér um tómstundadagskrána og er einnig sá/sú sem þú munt
leita mest til og hitta yfir sumarið. Á flestum Nordjobbstöðum
er einnig boðið upp á stutt tungumálanámskeið að kostnaðarlausu, sem
hægt er að taka þátt í ef þörf er á að bæta málakunnáttuna.
Ferðalög á eigin kostnað
Dagskráin sem ætluð er þátttakendum
er yfirleitt á þeirra kostnað, þótt Nordjobb greiði í sumum tilfellum
niður hluta kostnaðar. Það er ekki skylda að taka þátt en borgar sig
oftast! Það er bæði ódýrara og skemmtilegra að fara í ferðir í
félagsskap Nordjobbara en að fara ein/n.
Tómstundadagskrá hvers lands verður birt á heimasíðunni þegar líða fer
á vorið.
Verðdæmi (18.8.2005)
1 strætómiði, Kaupmannahöfn, 2 svæði; 17 DKK
1 mánaðarkort, strætó, 2 svæði; 300 DKK
1 lítri af mjólk, lífræn; 7 DKK
1 bíómiði; 50-100 DKK
1 kíló af kartöflum; 7 DKK
1 flaska af bjór; 3-5 DKK