Upplýsingar um Færeyjar
Íbúar: 48.350 (2007)
Höfuðstaður: Þórshöfn (Tórshavn), 19.339 (2007)
Stjórnarfar: Sjálfsstjórn, hluti af danska konungsríkinu
18 eyjar í Atlantshafi
Færeyjar samanstanda af 18 eyjum, og af þeim eru sautján í byggð. Stærsta eyjin Straumey nær yfir alls 373,5 km². Landnámsmenn Færeyja voru írskir munkar, sem komu til eyjanna í leit að rólegum heimkynnum á miðri 8. öld. Norðmenn hófu svo að setjast að á eyjunum hundrað árum síðar og héldu áfram að flytja þangað alla víkingaöldina.
Færeyjar eru hluti af danska konungsríkinu. Færeyingar eiga tvo fulltrúa í danska þinginu en eru einnig með eigið þing,
Lagting, með 32 fulltrúm, sem kosnir eru fjórða hvert ár. Færeyjar eru í Norðurlandaráði en ekki í Evrópusambandinu.
Færeyingar lifa af fiskveiðum
Færeyingar eru nokkuð háðir innfluttum vörur þar eð fjárhagur landsins byggist nær eingöngu á fiskveiðum, fiskeldi og fiskvinnslu.
Nú til dags eru þeir farnir að leggja meiri áherslu á tækni og kanna möguleikana á að nýta olíu og gas, sem mögulegt væri að finna.
Iðnaðurinn á Færeyjum hefur sérhæft sig í vélum og búnaði fyrir fiskiðnaðinn.
Þótt ekki hafi verið unnið mikið að því að byggja upp ferðamannaiðnaðinn á Færeyjum, hefur ferðamennska þangað aukist talsvert á síðustu
árum og nú er það stærsti iðnaðurinn á eftir fisknum. Einstök náttúra eyjanna er mikil upplifun fyrir ferðamenn og Færeyingar eru álitnir mjög
gestrisnir.
Færeyskir dansar og söngvar
Menning Færeyja hefur alltaf verið undir áhrifum frá hinum Norðurlöndunum. Á sama tíma hefur þeirra eigin menning þróast. Dæmigert fyrir færeyska menningu er „ Kvæði-dansen”. Hann er dansaður við ný og gömul lög. Það mikilvægasta í færeyskum bókmenntum síðan miðaldaþjóðsöngvarnir
voru samdir, var þegar byrjað var að skrifa bækur á færeysku um 1870. Þekktasti færeyski rithöfundurinn er William Heinesen.
Á Færeyjum er töluð færeyska
Færeysk tunga minnir mest á vestur-norsku og íslensku og myndar með þeim vestnorræna málahópinn.
Færeyska er opinbert tungumál, þrátt fyrir að eyjarnar tilheyri Danmörku. Fyrsta tungumál sem börn læra í skólum er danska.
Brattir klettar, firðir og haf – í breytilegu veðri
Færeyjar urðu til fyrir meira en 110 milljónum ára eftir eldgos á skilum milli tveggja fleka. Færeyskt landslag einkennist af bröttum klettaströndum, fjörðum, víkum og fjöllum, sem teygjast fallega græn upp að skýjunum. Í Færeyjum er úthafsloftslag, sem einkennist af sólskini, þoku og rigningu. Golfstraumurinn gerir þó veðrið milt. Það er ekki sérlega mikill gróður í Færeyjum, hvorki er þar
að finna tré eða skóga, en þeim mun meira gras kemur í staðinn. Mikilvægasta húsdýrið er kindin, en finna má yfir 70.000 kindur á eyjunum.
Text: NIFIN, Nordjobb