Vinnan á Íslandi
Störf
Nordjobbarar í þéttbýli starfa yfirleitt í þjónustugeiranum,
við umönnun, garðyrkju eða ræstingar. Á landsbyggðinni er aðallega um að ræða landbúnaðarstörf og vinnu við garðyrkju.
Nordjobbsvæði
Flest störfin eru í Reykjavík og nágrenni, meðfram suðvesturströnd
landsins og á Akureyri, stærsta bænum í norðurhluta landsins. Hluti
starfanna er við landbúnað og geta þessi störf verið erfið líkamlega og
þeim fylgt dálítil einangrun
þar eð sveitabæirnir eru oft fjarri þéttbýli. Það er mikilvægt að hafa
það í huga áður en tekin er ákvörðun um að taka við slíku starfi.
Ráðningar og vinnumenning
Vinnuveitendur á Íslandi
skipuleggja sumarið yfirleitt fremur seint. Þetta þýðir að
Nordjobbstörfin koma ekki inn fyrr en í apríl og maí.
Íslendingar vinna mikið og orðið „vinna” er eitt af þeim fyrstu sem
börn læra. Á vinnustaðnum er yfirleitt afar afslappað andrúmsloft.
Laun, skattar og önnur gjöld
Launin er yfirleitt milli
125.000 og 200.000 ISK á mánuði (01.02.08). Í landbúnaði eru útborguð
laun 74.500 ISK á mánuði en þá er fæði og húsnæði innifalið.
Skattur er ekki greiddur af tekjum undir 100.000 ISK á mánuði en svo er
greiddur 35;72% skattur af þeirri upphæð sem er hærri.
Það er mikilvægt að skila inn skattframtali til skattayfirvalda á
Íslandi fyrir árslok. Þú færð hjálp frá Nordjobb á Íslandi við skilin.
Hvenær má búast við svari?
Vinnuveitendur velja yfirleitt sumarstarfsmenn í apríl-maí.