Upplýsingar um Ísland
Íbúar: 307.672 (2007)
Höfuðborg: Reykjavík, 116.642 (2007)
Ísland er eyríki í miðju Atlantshafi
Helstu nágrannar landsins austurhluti Grænlands í norðri (290 km),
Skotland í suðri (800 km) og Noregi í austri (970 km). Ísland er
lýðveldi, eftir að hafa lýst yfir sjálfstæði 17. júní 1944 og valið
fyrsta forsetann. Þingið kallast Alþingi og samanstendur það af 63
fulltrúum sem kosnir eru fjórða hvert ár. Ísland
er meðlimur í Norðurlandaráði. Að auki tilheyrir landið SÞ, evrópska
efnahagssvæðinu EES og NATÓ. Ísland tilheyrir ekki Evrópusambandinu.
Mikilvægasta atvinnugrein Íslendinga er fiskiðnaður, sem sér
landinu fyrir stærstum hluta tekna sinna. Engu að síður starfar aðeins
um 10% landsmanna í fiski og fiskeldi, en 60% í þjónustu. Ferðamennskan
er næststærsti
atvinnuvegurinn en margir Íslendingar hafa einnig sérhæft sig á sviði
tölvufræði og útflutningur af tölvuforritum eykst með hverju árinu.
Íslendingar tala íslensku en líka dönsku og ensku
Íslensk
tunga tilheyrir indóevrópsku málafjölskyldunni og er skylt sænsku en
málið hefur varðveitt margar gamlar beygingarmyndir sem
hin norrænu tungumálin hafa ekki gert. Frá árinu 1999 er enska fyrsta
tungumál í grunnskólum en annað tungumál er yfirleitt danska.
Eldfjöll og goshverir
Eyjan Ísland varð til við eldgos á
flekaskilum á síðustu 14-16 milljónum ára. Eldfjöllin á skilunum milli
flekanna eru enn virk. Íslensk jörð er ein sú virkasta í heiminum
er kemur að jarðhræringum. Síðan Ísland byggðist er vitað um hér um bil
150 eldhræringar og má gera ráð fyrir slíku fimmta hvert ár.
Landið er ríkt af heitu vatni og landsmenn hafa lært að nýta
sér það. Um það bil 85% húsa eru hituð upp með heita vatninu, sem
einnig er nýtt til að hita upp gróðurhús og sundlaugar. Alls er að
finna um
800 heitar laugar vítt og breitt um landið. Til að vega upp á móti
eldgosum og jarðhræringum má finna stóra og mikla jökla á Íslandi.
Í hafinu kringum landið lifa samtals sautján mismunandi
hvalategundir og margar selategundir. Íslenski hesturinn er einstakur
vegna
töltsins, sem er sérstakur gangur hans. Hestarnir falla inn í nátturu
og landslag og eru enn þá nýttir til að reka fé og í ferðamennsku.
Björk er frægasti Íslendingurinn
Menningarlíf á Íslandi er
kröftugt. Leikhús, kvikmyndir, bókasöfn og list eru afar vinsæl. Margir
íslenskir rithöfundar hafa einnig orðið þekktir annars staðar í
heiminum. Nóbelsverðlaunahafinn Halldór Kiljan Laxness (1902-1998) var
frægasti rithöfundur síðustu aldar. Aðrir þekktir
rithöfundar eru Vigdís Grímsdóttir og Einar Kárason. Sönkonan Björk er
frægasti Íslendingurinn, fyrir afrek sín á tónlistarsviðinu.
Text: NIFIN, Nordjobb