Nordjobb | Finnland

Nordjobb í Finnlandi útvegar fyrst og fremst vinnu í Helsinki, en einnig í borgunum Turku, Tampere og í Österbotten.

Að lifa og búa í Finnlandi

Þegar þú hefur fengið vinnu gegnum Nordjobb útvegum við þér húsnæði, við skipuleggjum einnig tómstundadagskrá um sumarið og bjóðum upp á ferðir á vægu verði og veitum þér hvers kyns upplýsingar sem þú þarft á að halda meðan þú ert nordjobbari.

Húsnæði

Í borgunum eru stúdentaíbúðir algengasta húsnæðið á meðan að í minni bæjum er oftast um að ræða leiguhúsnæði á almennum markaði. Mánaðarleiga húsnæðis sem Nordjobb útvegar er í mesta lagi 320 evrur. Í Helsinki er mánaðarleigan oftast ögn dýrari en á öðrum svæðum. Í Tampere, Vaasa og Turku er oftast hægt að ganga eða hjóla í vinnu á meðan að í Helsinki er notast við strætó, neðanjarðarlest eða sporvagn.

Tómstundadagskrá

Nordjobb skipuleggur tómstundadagskrá í Helsinki, Tampere, Turku og í Österbotten einu sinni til tvisvar í viku. Það er ekki boðið upp á atburði í minni bæjum með fáum nordjobburum. Tómstundafulltrúarnir skipuleggja og framkvæma dagskrána, en þeir eru einnig nánustu tengiliðir þínir yfir sumartímann. Á flestum stöðunum er einnig boðið upp á tungumálanámskeið þér að kostnaðarlausu ef þú vilt læra grundvallaratriðin í finnsku.

Ferðir á vægu verði

Í Finnlandi er boðið upp á öflug og fjölbreytta tómstundadagskrá. Stærstu atburðirnir hafa verið ferðir til St. Pétursborgar og stór jónsmessuhátíð í skerjargarðinum. Dagskráin er yfirleitt á lágmarkskostnaði fyrir þátttakendur og í sumum tilvikum greiðir Nordjobb niður kostnaðinn. Það er ekki skylda að taka þátt í ferðum en það borgar sig! Að fara í skoðunarferðir og leiðangra er skemmtilegra og ódýrara með Nordjobb hópnum. Tómstundadagskráin er birt á heimasíðu Nordjobb um vorið.